بســـمـ الله الرحمن الرحيـــمـ الصفحة مازالت تحت الإنشــــــــاء طريقة تعــــريب البرامــــج اي موقع يشرح التعريب تلاقيه يلف و يدور حوالين نفسه وهو أصلا جايب الشرح ده من موقع تاني ونقله بالحرف ورغي و هري ومرار طافح و ياريته بيحطلك البرامج أل بتستخدمها ف التعريب وفي الاخر تبص تلاقي نفسك كرهت اليوم أل فكرت فية انك تعرب بومبس.. دوغري كده ومن غير كتر كلام ورغي ع الفاضي.. نجيب من الاخر انت عشان تعرب بومبس لازمك 3 برامج بايثون واكسبلور و هاندي زايب أشظه..؟ بايثون ده مالوش إي علاقه بالتعريب بس لازم يكون متثبت عندك في ذاكرة الهاتف عشان من غير بايثون برامج التعريب مش هتشتغل نخش في المفيد يامعلم طأطأ ودانك كده وصحصح ..توكلنا ع الله عشان تعرب اي برنامج لازم تفتح ملفاته الداخليه والبرامج ليها صيغ مختلفه sis / sisx / jar / jad مثلا لو هتفتح الملفات الداخلية لبرنامج صيغته sis أو sisx يبقا لازم تستخدم برنامج SisEditor لو هتفتح الملفات الداخلية لبرنامج صيغته jad أو jar يبقا تستخدم هاندي زايب أو إكسبلور لو فكيت برنامج صغيته sis / sisx هتلاقي ملفات كتير اختار الملفات دي عشان دي هى أللي هتتعرب Rsc /rsc/r1 لو فكيت برنامج صغيته jar /jad هتلاقي ملفات كتير اختار الملفات أللي صيغتها class عرب الملفات دي وبعد ماتعربها هتلاقي ظهرلك ملف جديد تحت الملف أللي عربته وبنفس الأسم ولكن صيغته bak قبل ماتجمع البرنامج احذف كل الملفات أللي صيغتها bak لإن دي معناها استعادة الملف الأصلي قبل التعريب كده احنا عرفنا الحاجات الأساسية في التعريب عرفنا البرامج أل هنستخدمها وصيغة البرامج وإية أل بيحصل وقت تعريب إي صيغة،دلوقتي هناخد مثال_هنقول مثلا هنعرب نسخه انجلش لبرنامج نيمبز صغيته jar أولا هتعمل حافظة جديدة في مدير الملفات تحت إي مسمى وبعدها تختار برنامج Nimbuzz.jar لاحظ إن صيغة البرنامج هي jar هدوس خيارات\إعادة تسمية وتغير صيغة البرنامج من جاف إلي زايب jar......>>.......zip هيتغير أسم البرنامج و يبقى Nimbuzz.zip هتظهرلك الملفات الداخلية للبرنامج هتدوس خيارات أستخراج الكل للحافظة الجديدة أل عملناها ف مدير الملفات
